Rabu, 28 Oktober 2020
Sastra & Humor
Fikmin

Galécok

Senin, 9 Maret 2020

JALAN tol. Mobil nyemprung. Hujan lir dicicikeun. Tuk-tek wipper ngusapan kaca. Nyingraykeun pirang-pirang keclak. Beueusna rembes tina panon kana haté. Anjeun jongjon nyetir. Panon manco ka jauhna, nyuaykeun poékna peuting. Lampu-lampu néon sisieun jalan ngahodhod. Sabot leungeun ngulinkeun setir. Anjeun ngagero hiji ngaran. Haté galécok. “Jungjunan, Salira aya di mana..?”

Kuring anteng ngumbar lamunan. Nutur-nutur keclak hujan nu miis tina sela-sela jandela. Kaca spion ngelétan. Ngabarasat gambar-gambar lawas narémbongan. Nu ngalangkang méré iber ti jauhna. Ngan tetep haté sasambat. “Jungjunan, Salira duka di mana..?”

Anjeun ngolémbar, kuring rémpan. Lir gula peueut ku ringrang. Sajeungkal lolongkrang kahalang ku persenéleng. Teu kadongkang..!*

Yanti Sri Budiarti - kisuta.com


KATA KUNCI

BAGIKAN

BERI KOMENTAR