Senin, 18 Januari 2021
Sastra & Humor
Fikmin

Néwak Gombrés

Kamis, 20 Oktober 2016

RÉT, kana érloji, tabuh satengah sapuluh. Mapay jalan nu sasari, nyorangan. Geus taya ojég, komo deui béca . Estuning sepi. Ukur cahaya bulan reyem-reyem. Hawar-hawar kapireng anjing babaung. Set! Langlayangan nyiet saluhureun sirah. "Gombrés," gerentes kuring satengah lumpat, moro. Kasawang si bungsu bungaheun pisan mun éta langlayangan tepi ka beunang. Kek, kuring ngarawél buntut gombrés. "Beunang, siah!" seuri bungah. Teg, sababaraha detik jajantung asa eureun, waktu engeuh yén nu dicekel téh lain buntut gombrés, tapi... buuk. "Astaghfirullah!" Buntut gombrés malik. Katémbong rupa beungeut ancur, panon katuhuna nolol siga nu rék coplok, nu sabeulah deui mah sidik euweuh panonan. Nyéh, nu pikasieuneun nyéréngéh, laju ngalayang deui bari nyikikik, malik ngudag.*

Bunda Unie - kisuta.com


BAGIKAN

BERI KOMENTAR