Sapanjang Mapay-mapay Sisieun Citarum

sapanjang ringkang jeung ringkang

ngajugjug udagan

citarum ngembat ngulon-ngétan

ngamalir rungkal-réngkol na sela-sela heureutna lahan

sapanjang rénghap jeung rénghap

muru kasajatian hirup

citarum angger jadi monumén

malidkeun runtah-runtah ngarambang

ngamalirkeun kasono ka lemah tempat bumetah

sapanjang mapay-mapay sisieun citarum

ukur ringkang jeung rénghap

paudag-udag

Sukamukti, Méi 2006 

      Rosyid E. Abby-kisuta.com