Nyaah

Leos ka hareup. Motor butut diselah. Geus hirup mesinna, biur, muru ka imah panggedena di eta lembur. "Sasasih, pa haji. Insya Alloh diuihkeun sareng langkungna. Bilih abdi jalir, mangga jabel motor abdi." Duit katarima. Gancang pamit.

Luhureun jok motor lebah tukang. Aya sapedah leutik pulas biru, dituruban ku jas hujan. "Kasep...ieu sapedah teh. Tong nangis deui, nya...." ngagerendeng sajajalan. awak jeung pakean jibrug kahujanan. Geus lima kilo ngadodorong motor nu euweuh bengsinan.* Ahmad Fawzy Imrom-kisuta.com