Meuntas Dimensi (Pantun Geter 1)

BUDAL tarawèhan. Sinambi leleson, Nini Kacapi sareng Aki Suling guntreng tadarusan. Paduduaan, Piligenti. Nini ngacapi surah, Aki nyuling tilawah. Mimiti lamat-lamat makna ngarèsonansi. Minda rupa jadi Geter. Beuki santer beuki muter. Geter nginterfèrènsi. Janggèlèk! Maujud ka Alam Nasut . Raga wadag matèrial. Geter cungah cingeuh. Gejed teu bètah. Gajleng! Meuntas dimènsi. Sup ka alam Jabarut. Wujud robah ènerjial. Geter ngolèang. Kakalayangan. Ngagayuh angin. Neuleuman cai. Blus ka turbin. Burisat! Bray padang. Geter ngarasa eungap hareudang. Rurut-rèrèt . Brèh! Walungan cikahuripan. Gajleeng..! Bruss!! ka alam Malakut. Geter peuray jadi data jeung informasi. Nyaliara ka unggal aksara, sora jeung ma’na. Can sugema. Geter ngambah ka Alam Bahut. Pinanggih nilèy-nilèy. Laju tèrèkèl naèk deui ka Alam Lahut. Lauhul mahfudz kasorang. Geter disampakeun Prinsip Sunatullah. Laju tanggah, Alam Hahut. Teu kasawang. Pinuh rusiah. Misty.* Helmi Pakudjati-kisuta.com