Lalakon Lutung Kasarung (19)

LAA ILAHA ILALLOH. Allohu akbar. Laa ilaha ilalloh. Allohu akbar. Kalimah toyibah terus ngagalindeng. Obor nu ampir pareum dumadakan hurung deui. Ngagebur nembus langit.
Luhurna luhur ngaguruh. Unggal madhab tahlil. Teu aya deui pangéran nu wajib disembah iwal Alloh. Unggal tempat tasbéh. Nu Mahasuci iwal Alloh. Gumulung jadi wirahma alam nu éndah.
Kingkilaban ngolébat, motrétan alam. Aya nu keur nyuuh dina luhur batu. Sujud bari sumegruk. Angin nebak buluna nu carambang. Ragana ngan kari kulit jeung tulang. Utun pasrah sumerah kana kadar. Narima takdir ti Nu Mahasuci. Guruminda dipapag kudu mulang.* Irman Dimyatie - kisuta.com