Hade Pamake

“Puuun..., asihan aing si leugeut teureup. Seuri pangirut, matak kapincut. Sia montél, sia geugeut. Jauh kadeuleu, beunta karasa. Nu paamprok bakal répok. Bakal asih ka diri aing! Puah..! Puah..!” Jempol leungeun nyilang antel kana halis kénca-katuhu. Rob, diririung. Diabring-abring. Ngantay nu hayang padeukeut. Kapéngpéongan. Piligenti nu hayang dipoto. Saku merekis.

Hiji-hiji nu dipaké diucutan. Baju. Calana. Ngalumbruk dina tungtung ranjang.
Irung dicoplokkeun. Biwir nu teu weléh nyéréngéh disusutan. Dina eunteung. Blég, beungeut haropak. Biwir geunteul. Késang ngagarajag. Ngahégak. Di kamar nu rupek lalakon badut tacan lekasan.* Yanti Sri Budiarti - kisuta.com