Imut

"NAON lepat abdi?" ceuk manehna. Tapi nu diajak ngobrol ukur imut. Pok deui manehna nyarita, "Abdi alim jadi pangedulan. Usaha mah atos. Da harita gaduh modal teh sakedik, mung mampuh meser jongko sisi erel. Bingah abdi teh, tina hasil ngawarung pun anak tiasa sakola deui. Kari-kari warung abdi dibuburak, teungteuingeun. Naha atuh lain ti baheula abdi dihulag ulah dagang di dinya?"
Nu diajak nyarita angger imut.
"Rumaos abdi aral. Paku erel ngahaja dicabutan. Sugan mahi keur nutupan SPP pun anak nu hayoh ditatagih ku guruna. Sugan teh moal nepi ngajuralit lokomotif teh."
Angger imut.
"Ampir sapuluh taun abdi dibui. Salira ge uninga. Namung teu aya anu langkung matak nyeri kana hate waktos pun anak janten istri anom komandan Satpol PP, nu kantos ngaburak-barik warung abdi," pokna deui bari ngagukguk.
Tapi patung awewe nu ku manehna diajak nyarita angger imut.* Darpan A Winangun - kisuta.com