Apem Jawilem

TENGAH awan, jeronéng bis ékonomi Cerbon-Jakarta puadeté ora umum. Penumpang sing ora keduman korsi, pada ngadeg pating gelantung. Yu Jawilem, pedagang asong sing dodol kué apem, tetep nyerosol ning sela-sela penumpang, bari nawakena barangé.
“Apeeem! Apeeem..! Apem anget, Mas! Apem Jawilem, Mas! Regané murah. Séwunan! Séwunaaan!”
“Apem Jawilem, maksudé apa kunuh?” Salah sawijinéng penumpang takon.
“Jawilem kuh, dijawil gelem, Mas.”
“Oh mengkonon tah, dadi baka tuku apem olih bonus njawil ya?”nggonjaki.
“Aiih masé ganjen temen. Gagian pan tuku pa ora, Mas?”
“Ya srog dibungkus rong iji baé. Ngomong-ngomong anaké pira, Yu?”
“Anaké isun telu, Mas. Sing barep ning Kodam, sing panengah ning Polda, baka sing bungsu ning Kejaksaan, Mas.”
“Ladalah.. jempolan temen, Yu. Anaké sampéan dadi wong kabéh. Jabatanné apa kunuh?”
“Jabatanné sih pada-pada, Mas.”
“Pada-pada primén maksudé,Yu?”
“Pada-pada ngadol apem jawilem.”
“Aiih..bokan tah…!?” sing takon kapiasem.* Helmi Pakudjati - kisuta.com