Angin Lamping

NAON deui béja ti Anjeun? Héok rampé ti lembur peuntas, atawa saukur sora nu hawar-hawar, kokotéténgan di langit nu mémang taya pamuntangan. Eurih salamping. Gésrék ukur jeung baturna, tuluy ringguy. "Cuang nonggoh, yu! Kantenan di ditu mah, langkung anggang langkung lamuk lamunan téh. Geura!" haréwosna ngérésék, maksa léngkah anjog ka lebah dinya. "Jungkrang!" gebeg. Waktu Manéhna ngan méré dua pilihan, kudu ngejat atawa luncat.* Arom Hidayat - kisuta.com