Hariweusweus Leuweung Pines

Ngan hégak anginna
jeung gumeter daun pines
di bubulak :asa hariringna
ngoléang ka jempling lamping

Ari gumuruhna teuing kumaneuh
merenahkeun manéh
dina hiji-dua kulisik
jeung kosrak sora saséor deui

Ngan hégak sorangan
jeung gumeter kalangkangna
dina kongkolak :enya hariringna
nguniang tina lamunan

Hégarmanah, 2013

Arom Hidayat - kisuta.com