Antara Zamzam Jeung Multazam

SATENGAH dua peuting. Bulan nu ngaarit. Angin nu ngahiur meni seungit.
Lengkah jumarigjeug ngadeukeutan Hijir Ismail. Mangpuluh menit ngabudalkeun guligah. Netel-netel cimata kana lebahing kiswah.
"Ilaahi abdukal 'aasi ataaka. Muqirron biddunuubi wa qod da'aaka..." bray, aya kalangkang almarhum bapa. Garis-garis kacape dina rarayna, ngagedat kacida atra. "Abdi sono Pa..."
Jam satengah dua peuting, kuring ngedalkeun guligah. Netel-netel cimata kana lebahing kiswah.* Ahmad Fawzy Imron - kisuta.com