Jemplang Samoja

nyusud tapak soang di awang-awang
kasampak bulan gudawang
kapireng bangbaluh ngagotong pasaran
tangkal samoja ngebat ka pajaratan

balati anjeun poé ieu
nguyup getih jantung kuring
jeung kapeurih ngalungkawing
galindeng haté nu samagaha

di mana pohaci nu pajar rek kapibanda?
nu puguh rupaning kembang maluguran
basa jarum jam ngulapés na tungtung kecap
basa raga tumamprak ditigas usum katiga

2005

Soni Farid Maulana - kisuta.com