Sastra & Humor
Fikmin
Ieung
Selasa, 19 November 2013
IEUNG. Rumanggieung, sajajalan angkaribung ku raga amba. Ngarawélan rungkal-ringkel areuy-areuy pamuntangan. Nyorangan deui! Nyorang deui si rumpil si geulis gunung. Lamunan nu disusuhun teu béda ti daun, laun-laun maruragan. Unggeuk dina dampal nu nincak unggal korosak sora kalakay. Hiji mangsa Ieung reureuh, Matuh dina iuh langit. Bumetah dina léah lemah. Cara salambar keretas. Dulang tinandé mapag simpé nu tingkulutrak. Nu mukakeun tulak.*
Arom Hidayat - kisuta.com
BAGIKAN
BERI KOMENTAR
Terkini
