Bandung Dilingkung Gunung

Bandung dilingkung gunung
gunung-gunung beton ngajarega
ngajul langit

Bandung dilingkung gunung
gunung-gunung gedong tingjelegir
mapaésan kota

Bandung dilingkung gunung
gunungna gunung managunung
dirarata traktor
Jleg:
pangwangunan jeung peradaban kota!
Simsalabim:
modérnisasi jeung wéstérnisasi!

Bandung dilingkung gunung
gunungna gunung beton jeung gedong-gedong
manggunung-gunung

Di mana paniisan urang?

Sukamukti, 2004

Rosyid E. Abby – kisuta.com