Sérénadé

- Ika Rostika Rumsari

geura tunda saréwu impian dina pot kembang nu dipapaés ku
citresna, Ika
sugan jaga aya taman sisi kota pangreureuhan pikir jeung
rasa. Tuh, japati sajodo gé geuning teu salawasna
kakalayangan, mubus méga demi méga; saukur ngemu impian

geura tunda manglaksa harepan dina kapal nu dirarangkénan
kalimah asih, Ika
sugan jaga bisa timu jeung darmaga tempat balabuh. Tuh,
kapan pamayang gé teu salawasna ngawelah parahu, narajang
ombak demi ombak; saukur ngemu harepan

peuting engké, Ika
impian jeung harepan geura tinun na amparan rasa

Kacapiring, 1996

Rosyid E. Abby – kisuta.com