Sastra & Humor
Sajak
Handapeun Matapoé Bandung
Senin, 5 Desember 2016
Handapeun matapoé Bandung awak ngalungsar. Taneuh
ngolétrak pinuh ku kekebul jalan. Jalan
ngabatu disangray matapoé. Handapeun matapoé Bandung
angin bangun nu suda ngulayaban. Méga duka ka mana ayang-ayanganana
Handapeun matapoé Bandung teu kapanggih ayana
pameunteu panutan, malah pameunteu indung gé
teu aya. Nyorangan. Bangun nu nyorangan.
Handapeun matapoé Bandung awak ngalungsar
tanpa daya; - Ka mana tatangkalan nu baheula
ngaliuhan?
Ka mana tanah sawarga nu cenah pangancikan
parapohaci?
Handapeun Matapoé Bandung
Awak ngalungsar tanpa daya.anpa daya
Bdg, 7 Oktober 1985
Rosyid E. Abby – kisuta.com
BAGIKAN
BERI KOMENTAR
Terkini
