Nguyup Cimata

TINGCARIAP. Tingciricip. Ricit. Kakara megar. Awak cuméndol kumeleter. Niliktik. Nguyupuk. Tutas nyileungleum. Indung ngalingkupkeun jangjang. Ngarungkup deudeuh. Nyulusup kana tangkeupan. Dilolohan ku kanyaah. Ranghap. Nyorokcok. Piligenti.
Rut-rét. Bekel teu nyukupan. Sanajan leuleus, lungsé, kudu miang néangan. Geleber. Clé. Sakapanggih. Laju disidem dina telihna. Teu wasa neureuy. Dina waktu anak halabhab. Tuhur ciduh. Garing tikoro. Cimata tandonna.*

Yanti Sri Budiarti - kisuta.com